ஓணம் பண்டிகை(Onam Festival) சதய விருந்தில் இடம்பெறும் 26 வகையான உணவுகள் :
ஓணம் சதய விருந்தில்(Onam Sadhya Festival) இடம்பெறும் உணவுகளும், அதன் ஆரோக்கிய நன்மைகள் பற்றி இப்போது பார்க்கலாம்.
ஓணம் பண்டிகை :
கேரளாவில் மிகவும் விசேஷமாகக் கொண்டாடப்படும், இந்த ஓணம் (Onam)பண்டிகையில் மிக முக்கிய தினம் தான் ஓணம் சதயம்(Onam sadhya ) ஆகும். இந்த நாள் விருந்து படைக்கும் நாளாகும். மன்னன் மகாபலியை(Mahabali) வரவேற்கும் அடையாளமாக மக்கள் தங்கள் வீட்டு வாசலில் அரிசி மாவு தடவி, பூக்களால் கோலம் வரைந்து ,திருவிழாவின் கடைசி நாளான திருவோணம்(Thiruvonam) அன்று ஓணம் பண்டிகை கொண்டாடுவர். ஓணம் சதயம் எனப்படும் ஓணம் விருந்து குடும்பங்களால் தயாரிக்கப்பட்டு, நண்பர்கள் மற்றும் உறவினர்களுக்கு பகிரப்பட்டு தங்கள் குடும்பத்தினருடன் உண்டு மகிழ்கிறார்கள்.
ஓணம் சதய விருந்து(Onam Sadhya Feast):
ஓணம் சதய விருந்தில் 12 க்கும் மேற்பட்ட உணவு வகைகள் சமைக்கப்படும். மேலும் சிலர் 26 அல்லது அதற்கும் மேற்பட்ட உணவு வகைகளையும் கூட சமைத்து விருந்து அளிப்பர். விருந்தின் சிறப்பம்சமே வாழையிலையில் உணவு பரிமாற படுவதுதான். அதாவது இந்த சிறப்பு நாளில் சத்து நிறைந்த உணவுகள் மூலம் உடலுக்கு ஊட்டம் அளிப்பது தான் முக்கியத்துவம் ஆகும். இதனால் சீரான செரிமானம் முதல் ரத்த ஓட்டம் மேம்படும்.
ஓணம் சதய விருந்தில் தரையில் அமர்ந்து சாப்பிடுவதால் ஏராளமான ஆரோக்கிய நன்மைகள் கிடைக்கும். எனவே இந்த நேரத்தில் இத்தகைய சிறப்பு வாய்ந்த ஓணம் சத்ய விருந்தில் என்னென்ன உணவு வகைகள் இடம்பெற்றிருக்கும் மற்றும் எவ்வாறு செய்யப்படுகின்றது? என்பது பற்றி பார்க்கலாம்.
ஓணம் ஸ்பெஷல் உணவுகள்(Onam Special Foods):
ஓணம் பண்டிகையை முன்னிட்டு சிறப்பு உணவுகள் தயார் செய்யப்படும். இதில் ஸ்பெஷல் உணவுகளின் தொகுப்பு பற்றி பார்க்கலாம்.
1. அப்பளம்:
ஓணம் சதய விருந்தில் மற்ற எந்த விதமான அப்பளம் இல்லாமல், அரிசி மாவில் இருந்து தயாரிக்கப்படும் அப்பளம் தான் இடம்பெறும். இவை இல்லாமல் இந்த விருந்து நிறைவு பெறாது என்று கூறுவர்.
2. அப்பேரி:
இந்த விருந்தில் அனைவருக்கும் விருப்பமான வாழைக்காய் சிப்ஸ் வழங்கப்படும். மற்ற 25 உணவுகளுக்கு முன்னதாக விருந்தின்போது இந்த சிப்ஸ் கொடுக்கப்படுகிறது.
3.ஷர்கரா வரட்டி:
வெல்லம், இஞ்சி, ஏலக்காய் மற்றும் வாழைக்காய் கொண்டு தயாரிக்கப்படும் உணவுப் பொருள் ஷர்கரா வரட்டி ஆகும்.
4. பருப்பு கறி:
பருப்பு மஞ்சள் மற்றும் தேங்காய் ஆல் தயாரிக்கப்படும் இந்த உணவு மிகவும் எளிமையாக சமைக்கப்படுகிறது.
ஓணம் விருந்தில் இடம்பெறும் மற்ற உணவுகள்:
ஓணம் சதய விருந்தில் கூட்டு, சர்க்கரப் புரட்டி, பச்சடி, தோரன்,கிச்சடி மாங்காய் கறி, இஞ்சிப் புளி, அவியல், நாரங்கா கறி, ரசம், ஓலன், மோர், மிளகாய் அவியல் ,எரிசேரி ,சாம்பார், கூட்டுக்கறி, பரங்கிகாய் பச்சடி,இஞ்சி, தயிர், நெய், பூவன் பழம், பாயாசம் போன்ற விதவிதமான உணவு வகைகள் இடம்பெற்று இந்த திருவோணத்தினை சிறப்பிக்கும்